أنت تستمتع براديو مدينة البط

أنت تستمتع براديو مدينة البط

الثلاثاء، ديسمبر 25

العيدية...


العيدية
وقف ملايين الحجاج على جبل عرفة...رفعوا جميعا ايديهم نحو الاله الواحد... الأحد... الله جل وعلا...كل واحد منهم قد بدأ في الخشوع...والدعاء...والرجاء... سائلين اياه جل وعلا ما يريدون...وما به قد ينصلحون..

* * *
بعد صلاة الظهر...
ــ بكم البرتقال؟؟؟
ــ باتنين جنيه ونص الكيلو
ــ عايز اتنين كيلو
واصطدمت كفة الميزان...............................
صعدت نحو منزلي...شقتنا في الطابق الرابع...على عتبة الشقة الأولى ...شاهدت ظرفاً أبيض...كأنه طرد صغير...لم أهتم...وعلى بسطة الطابق الثاني...والثالث...والرابع...نفس الظرف الأبيض ...كأنه طرد صغير...ومن أما شقتنا ...التقت الظرف... ودخلت به
ــ ايه ده يا بني
ــ مش عارف ياماما؟!!...مش مكتوب عليه عنوان
ــ لقيته فين
ــ على عتبة الباب... ده موجود في كل دور
ــ يمكن تهنئة بالعيد...افتحه وشوف
...........
وكانت تهنئة بالعيد...ورقة مقصوصة...عليها تهنئة بالعيد...معها كتاب ضغير...بني اللون...مكتوب عليها...
"الإنجيل"
وكدت أن يغمى علي

* * *

ــ سلام عليكم ...النجدة
ــ أيوه يا فندم...خير
ــ لو سمحت...أنا لقيت على باب شقتي ظرف أبيض...كأنه طرد صغير...فيه تهنئبالعيد...وحكيت الحكاية
ــ يا نهار اسود...طب حضرتك خليك معايا... هاوصلك باضابط
ــ ألو سلام عليكم...سيادة الضابط
ــ أيوه يا فندم ...خير
وحكيت الحكاية...............................
ــ يا نهار اسود...طب حضرتك خليك معايا...هاوصلك بالباشا
ــ مين الباشا ده
ــ الباشا المدير...ثانية واحده
ــ ألو سلام عليكم...
ــ أيوه يا فندم ...خير
وحكيت الحكاية.................................
ــ يا نهار اسود...طب ليه كده...مين اللي عمل كده...وامتى... وازاي
ــ مش عارف
ــ طب بص...أنا هابعتلك البوكس

* * *
وجاء البوكس...يقوده رجل... يرتدي ملابس عادية... بجواره آخر...عليه ملابس خضراء وشارات ذهبية...علمت فيما بعد أنه مأمور المركز...
ــ ممكن توريني الظرف
ــ اتفضل...بس انا عايزه تاني
ــ نظر إلي...وإلى الكتاب ...
ــ طب حضرتك لازم تتفضل معانا
ــ فين
ــ في المركز
ــ بس أنا مش فاضي دلوقتي
ــ أمال بلغت ليه...خده يابني على البوكس
ومن ياقتي قميصي...بل بيجامتي...وكأي تاجر مخدرات...أصعدوني إلى البوكس........

* * *
في غرفة مأمور المركز...كان حولي لفيف من الضباط...أحدهم ينظر إلي بعطف ورثاء...والآخر يلف ذراعه حول رقبتي وكأنني مجرم خطير...وصف من المخبرين...يسدوا الباب كحائط ضربات الجزاء في كرة القدم...وقطع ذلك كله...صوت جرس الهاتف...هاتف محافظات...علق ضابط صغير بصوت هامس..." هايقول ما فيش محضر"

ورد المأمور على الهاتف

ــ ماشي يا باشا...تحت أمرك...حاضر...اللي تؤمر بيه...ايه ...طيب حاضر... هاوديه المكتب... أه الكتاب معايا... أوديه معاه في بوكس...حاضر...سلام ياباشا...مع السلامة

والتفت المأمور ذو الزي الأخضر والشارات الذهبية نحونا...قائلاً "مفيش محضر"...لكن يروح لل...

وقطع كلامه ابتسامه الضابط الذي همس بالنبوءة.............

* * *

وكأن الدنيا قد انقلبت...احاطني المخبرون... ومن خلفهم الضباط... ومن خلفهم المأمور... أصعدوني في بوكس آخر...به سائق آخر...واتجهنا نحو مكان أعرفه... نحو مكتب أمن الدولة

* * *

توقفوا جميعا على الباب...إلا أنا ...أدخلوني بالقوة
ــ فين بطاقتك يللاه
ــ بطاقة ايه...دول خدوني بالبيجامة
ــ طب اترزع
ــ جلست على كنبة من الجلد الأسود...باردة الملمس...جلس حولي اثنان من مخبري أمن الدولة...
ألهمني الله أن امسح كل الأسماء من محمولي...وبعدها مباشرة...اختطفوه مني...عبث أحدهم بازراره... والتفت نحوي...
ــ انت مسحت الأسماء...
ــ أسماء ايه... دانا لسه شاريه جديد
وانهالت الأقلام على وجهي..............
* * *

خرج الرجل الذي سألني عن بطاقتي من احدى الغرف المغلقة
ــ تعالى ياوله
قمت ...بصدر مشدود...لا أعرف لماذا...لعلها سخرية من ضعفي... ودخلت... غرفة واسعة...بها مكتب ضخم...ومكيف...ورجل...تبدو عليه سيماء الوقار ...والإجرام
ــ اجلس
............
ــ اسمك
ــ ............
ــ سنك
ــ ............
ــ بتشتغل ايه
ــ ...........ايه اللي حصل بالضبط
وحكيت الحكاية.................................
ولم يكف الرجل الذي تبدو عليه سيماء الوقار والإجرام عن الكتبة........

* * *
عدت إلى المنزل مع حلول المساء...وبعد صلاة العشاء...تعالت أصوات المصلين بتكبيرات العيد...
...الله أكبر كبيراً
...والحمد لله كثيراً
...وسبحان الله وبحمده بكرة وأصيلا
لا إله ألا الله وحده
صدق وعده
ونصر عبده
وأعز جنده وهزم الأحزاب وحده
لا إله إلا الله

وانهرت في بكاء حار

* * *

ومن حملة... حملة تبشير...حملة تنصير...أخذت عيديتي...وكانت ...انجيل

إنسان

هناك 5 تعليقات:

عاشقه الفردوس يقول...

جزاكم الله خيرا
معاكم باذن الله
الله المستعان

عاشقه الفردوس يقول...

حسبنا الله ونعم الوكيل

الله كبير
علام الغيوب
اللهم انصر الاسلام واعز المسلمين اللهم امين

organza يقول...

بسم الله الرحمن الرحيم
الموضوع مؤثر كتير وللاسف المفروض الشرطة مع الحق مش العكس وداه الواقع اللي بنصطدم بيه .
واذاكان رب البيت (سيادة الريس )بالدف ضارب.......

nonoymm يقول...

والله العظيم انا مش عارفة اقول لحضرتك ايه غير ربنا يجعل صبرك وصبر والدتك خير
الله يكون في عونك وعونها
عون المسلمين الغيورين على دينهم
وحسبي الله ونعم الوكيل في الظلمة والظلم
بيتهيالي لو كنت مسيحي كانوا هيقفوا جنبك اوي ويمكن كمان وكانوا يمكن لموا الملتحين والمصليين من الجامع
اقول ايه تاني مش عارفة

merry يقول...

ايه ده يعني