أنت تستمتع براديو مدينة البط

أنت تستمتع براديو مدينة البط

الجمعة، سبتمبر 23

كيفية الحصول على بروفايل الفيسبوك الجديد

كيفية الحصول على بروفايل الفيسبوك الجديد 
Timeline


النهارده كان مؤتمر مطورين الفيس بوك "f8
وفي المؤتمر ده تم الإعلان عن التحديث الجديد الضخم اللي هايتعمل في الفيس بوك الفترة الجاية 
والتحديث ده اسمه الـ "Timeline" وهو عبارة عن انه بيخلي البروفايل بتاعك كأنه شريط زمني كل ماتنزل تحت تلاقي بوستاتك القديمة .. طب ايه الفرق بينه وبين الشكل القديم لصفحة البروفايل؟؟
الفرق انه بيديك امكانية انك ترتب بروفايلك زي مانت عاوز .. وتزود حاجات في نص الخط الزمني
ده غير الشكل الجامد بصراحة .. غير امكانيات تانية زي انك تشغل موسيقى مثلا مع مجموعة من اصحابك في نفس الوقت .. وده اوبشن جديد لسه مانزلش
المهم
نيجي للشكل الجديد للبروفايل
الشكل الجديد تم تفعيله فعلا لناس معينة في الفيس بوك !!!
تفرقة عنصرية :))
تم تفعيل الشكل الجديد للمطورين بتوع الفيس بوك .. يعني لو انت من المطوين دول يبقى بروفايلك هاتعدل للجديد
يبقى علشان يبقى الشكل الجديد مفعّل عندك .. ادخل مع المطورين !!!
طب ازاي
امشي معايا, وخد بالك ان التفاصيل اللي في الخطوات مش مهمة قوي .. كل لازمتها انك تبقى من المطورين بتوع الفيسبوك
نصب يعني :)
افتح اللينك ده:


هايطلعلك الصفحة دي
اضغط 
create App


اكتب اسم الـ App


اكتب الكود اللي قدامك للتأكيد

اضغط
 open graph

اختار نوع الابليكيشن الللي انت عاوزه
واضغط 
Get started

كده انت بقى ليك أبليكيشن حتى لو وهمي 
واتحسبت على الفيس واحد من مطورينه 
ياللعار :)
المهم
ادخل الصفحة الرئيسية بتاعتك هاتلاقي الرسالة دي فوق
اضغط
get it now 
وعيش حياتك :)))

 انتظروا موضوع تالي عن مزايا النظام الجديد للفيسبوك :))
إنسان

هناك 4 تعليقات:

شمس النهار يقول...

اول مره اشوف تفرقة عنصرية واللي

اعطوه الميزة حاسس بالقهر

جيت ادخل الاكونت علي الصبح
الاقي ايه خير اللهم اجعله خير
الاكونت مسكون
اسأل اللي حواليه
يقولك ده الجديد
لطمت طبعا هو انا سالكه في القديم علشان يجيبوا لي الجديد

:)))))

أنا إنسان يقول...

هههههههههه
ولا يهمك هاتتعودي عليه
هو بسيط وجميل

shyma ebrahim يقول...

طب انا عايزة ارجعه زي ماكان ازاااااااااااي والنبي :(((

BODY يقول...

انا عملت كل الخطوات وكله تمام بس اخر خطوة خالص مش عارف اعمل فيها ايه
لو سمحت حد يرد عليا
بالله عليكوا