طبعا انا عيد ميلاد مدونتي جه
واحتفالا بيه
قررت اعمله مختلف جدا عن اي عيد ميلاد
فقررت ابدأ في سلسلة نقد ذاتي لكل حاجه انا حاططها
ولأني مخنوق جدا اليومين دول
ومطحون جدا جدا
منها لله الكلية ومنه لله روند النساء
المهم
قررت ابدأ برسوماتي
طبعا هيه شخبطة مش رسومات بمعنى الكلمة
بس انا باحب الرسم
ورغم أنف اي حد يقول اني مش باعرف ارسم
برده هارسم
:)
......................................................
باحب مايكل انجلو جدا
وباحب ارسم فحم برده
وطبعا عجبتني الرسمة جدا
فقولك ارسمها
:)
طبعا الرسم متخلف
وفيه تصحيح كمان
بس اهو
!!!!!
بس بعيدا عن جودة النقل
بابص للرسمة بمنظور نقدي لقيت ان
اولا
عضلات الذراع اليمنى مش مظبوطة في التقسيم
ومش باين العضلات ىالامامة للذراع من العضلات الخلفية
ثانيا
الأصابع كأن فيها جذام بتاعة اليد اليمنى
ثالثا
أبعاد الصدر الرأسية ضيقة جدا بالنسبة للأصل
وده جه لصالح البطن اللي بقت ضخمة وزاد من كده التجاعيد اللي فيها اوضح خلاها كأنها فاضية ومكرمشة
رابعا
الرجل اليمين مش مظبوطة وده اثر على الذراع الشمال المستنده عليها وخلاها ابدتاء من المعصم المعوج لحد الكتف زاويتهم مش مظبوطة
خامسا
الرجل الشمال خاسة ومش فيها عضلات واستدارة عضم الركبة ضايع تماما كأنه كسيح
سادسا
التفاف القدم الشمال مش موجود في التقليد
بس
إنسان
هناك تعليقان (2):
انا ليا كام شهر ماجتش ويوم ما اجى القا حفلة !!! ايه الهنا ده
ازيك
الرسم موهبه زي اي موهبه بيحطها ربنا في الانسان
واللي بيكتشف موهبته لازم ينميها
ازاااااااي
يحاول يدخل لها مدخل علمي
يعنييي ايه
رسمك جميل
خلاص حاول تاخد دراسات حره يا في فنون جميله يا في تربيه فنيه
يا في اي مركز ثقافي او مركز شباب
ويكفيك انك سعيد بموهبتك
كل سنه وانت طيب
سلام
إرسال تعليق